उच्च मूल्य कृषिवस्तु उत्थानशील कार्यक्रम (R-HVAP) नेपाल सरकारको एक पहल हो। यसमा कृषि विकासका लागि अन्तर्राष्ट्रिय कोष (IFAD) को सहयोग रहेको छ। यसको उद्देश्य कृषिलाई समावेशी, कृषि-पारिस्थितिक प्रणाली (agroecological) र लाभदायक कृषि-खाद्य प्रणालीमा रूपान्तरण गरी गरिबी न्यूनीकरण गर्नु र साना किसानहरूको resilience लाई सुदृढ पार्नु हो। यो कार्यक्रम लुम्बिनी, कर्णाली र सुदूरपश्चिम प्रदेशहरूमा लागु गरिएको छ, जसले महिला, युवा र पिछडिएका समुदायहरूको विशेष सहभागितामा गरिब साना किसान परिवारहरू, उत्पादक संस्थाहरू (POs) तथा सूक्ष्म, साना र मझाैला उद्यमहरू (MSMEs) लाई सहयोग गर्दछ।

लुम्बिनी प्रदेशमा, प्रादेशिक कार्यक्रम व्यवस्थापन कार्यालय (PMO) ले प्रदेश तथा स्थानीय सरकारहरू र सम्बन्धित सरोकारवालाहरूको समन्वयमा कार्यान्वयनको नेतृत्व गर्छ। R-HVAP ले कृषि-पारिस्थितिक उत्पादन, मूल्य शृङ्खला (value chains), उत्पादक संस्थाहरू र साना-मझौला उद्यमहरू, जलवायु उत्थानशील पूर्वाधार (climate-resilent infrastructure), बजार तथा सेवाको पहुँचमा जोड दिन्छ । साथै घरेलु तथा निर्यात बजारका लागि प्रतिस्पर्धी वस्तुहरू उत्पादन गर्ने आत्मनिर्भर कृषि प्रणाली विकास गर्न आवश्यक क्षमता अभिवृद्धिमा जोड दिन्छ।